|
|
|
|
|
|
|
|
|||||||
 |
|
|
LinkBack | أدوات الموضوع | انواع عرض الموضوع |
|
رقم المشاركة : [1]
22-06-2010, 09:10 PM
|
|||||||
|
|||||||
الحياة فرص...
 الحياة فرص والذكي من يستطيع استغلالها لصالحه ..طبعا فيه فئة من الناس معدل عزة النفس عندهم مرتفع حبتين فيرفضون استغلال الفرص وبذلك يضيعون فرص ذهبية من أيديهم وبعدين يتحسفون عليها لأن الفرصة شئ نادر ومايتكرر و ماأعتقد أن استغلال الفرص إذا مافيه مضرة بأحد شئ سيئ لأن الحياة أخذ وعطاء وكثير مانسمع أونكون أبطال مثل هذه الحوارات .. محمد : يمه انتي اللحين ليه منتي راضيه اني اسافر ؟ ابي سبب مقنع طيب ؟ امه : ماني مرتاحه لهالسفره قلبي ماهو متطمن . محمد : يمه تكفين كل اخوياي بيروحون اساساً السفره هذي فكرتي شلون ماروح ؟ امه : وقلبي اللي محسسني ان فيه شيء بيصير لك ؟ محمد : سلامته قلبك.. بس وش دخل يمه ..تبين تفشليني قدام اخوياي عشان مانتي متطمنه .. طيب حنا دايم نروح ودايم ماتتطمنين وعادي مايصير شيء وش معنى هالمره ؟  امه : دايم امشيها لك وانا اللي اتعب وعلى اعصابي لين ترجع هالمره خلاص سفر براا مافيه .  محمد : يعني ؟ امه : لاتخليني احلف انك ماتسافر شبر برا الرياض محمد : لالالالالا خلاص خلاص اسمعي..شفتي بنت اختك الدبااا ؟  امه : قصدك مها وش فيها ؟ محمد : شفتي ان خليتيني اسافر هالسفره ؟ والله لأنفذ اوامرك واتزوجها < كبييير يامحمد  امه : تحلف ؟ محمد : والله العظيم امه : ايه اللحين انت ولدي .. سافر وانبسط ولاتنسى صلواتك .. **************************** دانه : فيصل ممكن طلب  فيصل : تدللي . دانه : خواتي كلهم مجتمعين عند اهلي هالاسبوع وانا بس قاعده بهالشقه وانت يابدوامك ياعند اخوياك يانايم ..ابروح عندهم هالاسبوع امرح . فيصل : لا.. دانه : طيب ليه كل شيء لا  فيصل : تمرحين اسبوع عند اهلك ؟ لا مستحيل.. دانه : انت تدري خواتي كل وحدة بديرة ويالله نجتمع والحين كلهم مجتمعين ليش ماروح انبسط معهم  فيصل : وانا من يهتم فيني ؟.  دانه : ارجع عزوبي هالاسبوع .. وبعد عشان تشتاق لي فيصل : ماصدقت اعرس عشان ارجع عزوبي شوفي لك غيرها بس ..  دانه : فيصل الله يخلييييييييييييييييييييك فيصل : دانه قلتلك بالعربي لا وإذا مافهمتي بالإنجليزي no وإذا مافهمتي بالهندي نهي وإذا مافهمتي بالالماني ناين .. دانه : طيب إن وافقت وخليتني اروح تدري وش لك ؟ فيصل : وش ؟ دانه : مو انت وعدتني انك تقدم لي خدامه على راتب الشهر الجاي ؟ فيصل : إلا . دانه : خلاص تنازلت ماعاد ابيها . فيصل : لمي اغراضس ولاشوف وجهس الا بعد اسبوع << انتهازي مع مرتبة الشرف  ************************************ طيب قد صار لكم شئ من ذا اللي فوق أو قد طلبتوا موقابل على شئ تسونه لأحد أو دفعتوا لأحد مقدم علشان يسوي لكم شئ ؟؟ شخصيا قد حصل لي موقف وصراحة ماضيعت الفرصة ليس طمعا لكن عبثا ففي يوم من الأيام تعطل لاب توب أخوي وكان محتاج مره له فزعل منه وقرر أنه يشتري واحد جديد فطلب مني اعطيه لاب توبي فرفضت وكرر الطلب واصريت على الرفض لأني ابغى امتحن مقدار التضحية اللي ممكن يقدمها لي علشان اوافق ..وبعدين عرض علي يوديني مشوار ورفضت ثم عرض علي يشتري لي هدية ورفضت وقلت مااوافق الابشرط جهازك الجديد ماتلمسه ويكون ملكي لمدة شهر وإلا لا . ..ومسكين وافق على الشرط وفعلا لما اشترى الجهاز جابه بكرتونه لي تنفيذا للوعد لكن تنازلت عن الشرط ورجعته له . وختاما من اليوم ورايح لاتضيعون الفرص من إيديكم واللي عنده تجربة بطولية لايبخل علينا فيها 
|
|
24-06-2010, 03:11 AM
|
رقم المشاركة : [2] | |||||||
|
رد: الحياة فرص...
8 |
|||||||
|
|
||||||||
|
|
|
02-07-2010, 12:17 PM
|
رقم المشاركة : [3] | ||||||||
|
رد: الحياة فرص...
شكرا جزيلا ومرحبا بك دوما . دمت بود . |
||||||||
|
|
|||||||||
|
|
|
05-07-2010, 07:25 AM
|
رقم المشاركة : [4] | ||||||||||||
|
رد: الحياة فرص...
موضوع حيوي..يا بنت اليمامه .. والدليل....!!!!
قالها.....من قلب.......!!! وهذا ما بعد بدأ المشوار ....اجل إذا إنتصف وش راح يكون.....(بتصير عُلُوم) 
أفاااااا يا دانه....!!! ياليتك...ماتنازلتي عن شيء أنتِ بحاجته...ولو أنكِ قدمتي مُقابل..أو عرض مُغري..لكان أفضل من التنازل..! أو إستخدمتي أسلوب آخر أكثر فعاليه ...وجدوى 
وأنت يا فيصل................(يا شين المنه)..!!!! طبعاً..تصير لنا مثل هذي المواقف ... أخرها معي..وهو حالياً وإلى الآن...تجري مُفاوضات على قدم وساق...لأُمنية تراودني كل رمضان..!...وللأسف ما تتحقق..يا دوام...يا ظروف أُخرى... هذه السنه ......قدمت عرض قوي...لمن سيذهب بي العشر الأواخر لمكه..!وجميع الشباب رافضين..فهم إعتادوا دائماً العمره على الطائره ولا يزيدون عن يوم..!!!!!! وأنا في راسي....(أجلس العشر كلها)..! تصدقين عاد بنت اليمامه ...الآن "حسيت"..بأهمية فتوى إرضاع الكبير.....على الأقل نستفيد من السواق....!!!!! ترضعه أختي مع مولودها..وأخذه معي لمكه..........."يعمر خالته"  والله خدومين أكثر من الشباب الله يصلحهم...تحيتي لكِ.... |
||||||||||||
|
|
|||||||||||||
|
|
|
21-07-2010, 12:42 AM
|
رقم المشاركة : [5] | |||||||
|
رد: الحياة فرص...
حياك الله حلم الورد وشكرا على هذا المرور والإضافة الرائعة واسأل الله أن يرزقك الإقامة في رحاب بيته طيلة شهر رمضان وليس العشر فقط ..إنه جواد كريم . |
|||||||
|
|
||||||||
|
|
|
| مواقع النشر (المفضلة) |
| الكلمات الدلالية (Tags) |
| الحياة, فرص |
|
|
| أدوات الموضوع | |
| انواع عرض الموضوع | |
|
|
العرض العادي
